ശമാഇൽ ഗ്രന്ഥങ്ങളുടെ വൈജ്ഞാനിക വൈപുല്യം മലയാളി വായനകളിൽ വേണ്ടതുപോലെ കടന്നുവന്നിട്ടില്ല. അത്യപൂർവ്വം ഗ്രന്ഥങ്ങൾ മാത്രമാണ് മലയാളത്തിൽ ഈ ഗ്രന്ഥശ്രേണിയിൽ രചിക്കപ്പെട്ടിട്ടുള്ളത്. എന്നാൽ അറബ് ലോകത്ത് ഇത്തരം ചർച്ചകൾ വലിയ പ്രാധാന്യത്തോടെ നടന്നുവരുന്നു.
ശമാഇലിൽ വ്യത്യസ്ത ചർച്ചകൾ കാണാം. മുത്ത്നബി(സ)യുടെ ദിനചര്യകൾ, സ്വഭാവ/പെരുമാറ്റ മഹിമ, ആകാര വർണനകൾ, ശാരീരിക സവിശേഷതകൾ, വസ്ത്രങ്ങൾ, മറ്റു വസ്തുക്കൾ എന്നിങ്ങനെ..

മലയാളത്തിൽ എഴുതപ്പെട്ട ശമാഇൽ ഗ്രന്ഥങ്ങളിൽ ‘തിരുനബി(സ) സൗന്ദര്യ സ്വരൂപം’ എന്ന ചെറുകൃതി വലിയ സ്ഥാനമർഹിക്കുന്നു. പ്രഭാഷകനും സംഘാടകനുമായ ഡോ. മുഹമ്മദ് ഫാറൂഖ് നഈമി അൽ ബുഖാരിയാണ് എഴുത്തുകാരൻ.