സമാനമായ പ്രമേയം സൂറത്തുസ്വാഫാത്തില് 144-ആം വചനത്ത ലുണ്ട്:- മഹാനായ യൂനുസ് നബി (അ) മത്സ്യത്തിന്റെ വയറ്റില് വച്ച് തസ്ബീഹ് നിര്വ്വഹിച്ചില്ലായിരുന്നെങ്കില് പുനര്ജ്ജന്മം വരെ മത്സ്യത്തിന്റെ വയറ്റില് ശേഷിച്ചേനെ’
അല്ലെങ്കില് യൂനുസ് നബി(അ) മത്സ്യത്തിന്റെ വയറ്റിനുള്ളില് വഫാതാകും മത്സ്യത്തിന്റെ മൃതദേഹത്തോടൊപ്പം കടല്ചളിയില് യൂനുസ് നബിയുടെ ശരീരവും പെടും. പക്ഷെ അമ്പിയാക്കളുടെ ശരീരത്തെ ദഹിപ്പിക്കാന് മല്സ്യത്തിനോ കടലിലെ മാലിന്യങ്ങള്ക്കോ മറ്റു ഹിംസ്ര ജന്തുക്കള്ക്കോ കഴിയില്ല. അല്ലാഹു പറഞ്ഞത് പോലെ പുനര്ജ്ജന്മം വരെ അതിനുള്ളില് നിലനില്ക്കും.
ഉദൃത വചനത്തില് നിന്നും തിരുനബി (സ) യുടെ ശരീരം ദഹിക്കില്ല എന്നു ബോധ്യപ്പെട്ടു. എങ്ങനെയാണോ സ്വഹാബികള് തിരുനബി (സ) യെ മറമാടിയത് ആ രൂപത്തില് ഒരു കേടുമില്ലാതെ അവിടുന്ന് ഇന്നും നിലകൊള്ളുന്നു.
ഒരു കേടുപാടും സംഭവിക്കാത്ത ശരീരം സചേതന ലോകത്താണോ അചേതന ലോകത്താണോ അഥവാ കേവലം ഒരു കല്ല് കിടക്കുന്നത് പോലെയാണോ കിടക്കുന്നത് എന്ന സംശയം ഉയരാം. മുന്കാല പ്രവാചകരുടെ ചരിത്രങ്ങള പരിശോധിച്ചാല് ബോധ്യപ്പെടും കാരണം അവരൊക്കെ തിരുനബി(സ) യെക്കാള് ദറജയിലും ഷറഫിലും താഴെയാണ്. അവരുടെ ബര്സഖീ ജീവിതം പരിശോധിച്ചാല് തിരുനബി (സ) യുടെ ബര്സഖീ ജീവിതം നിസ്സംശയം ബോധ്യപ്പെടും. മിഅറാജിന്റെ രാത്രിയില് ഉണ്ടായ സംഭവം ഇമാം ബുഖാരി(റ) ഉദ്ധരിക്കുന്നു :-ജിബ്രീല്(അ) നബി(സ) തങ്ങളുമായി ഒന്നാനാകാശത്തേക്ക് എത്തിയപ്പോള് വാതില് തുറക്കപ്പെട്ടു അപ്പോള് ഒരാള് അവിടെ ഇരിക്കുന്നു അദ്ദേഹത്തിന്റെ വലത് ഭാഗത്ത് കുറെ രൂപങ്ങള് ഇടതു ഭാഗത്തു കുറെ രൂപങ്ങള്. അദ്ദേഹം വലതുഭാഗത്തേക്ക് തിരിഞ്ഞാല് ചിരിക്കും ഇടതുഭാഗത്തേക്ക് തിരിഞ്ഞാല് കരയും. തിരുനബി (സ) യെ കണ്ടപ്പോള് ‘മര്ഹബന് ബി നബിയ്യി സ്വാലിഹ് വ ഇബ്നി സ്വാലിഹ്എന്ന് പറഞ്ഞു സ്വാഗതം ചെയ്തു.തിരുനബി(സ) ജിബ്രീല്(അ)നോട് ആരാഞ്ഞപ്പോള് അത് ആദം നബിയാണെന്നും വലത് വശത്തേയും ഇടതുവശത്തെയും രൂപങ്ങള് അവിടുത്തെ സന്താനങ്ങളെ പ്രധിനിധീകരിച്ചിരിക്കുന്നുവെന്നും വലത് ഭാഗത്തെ സ്വര്ഗവാസികളെ കണ്ടമാത്രയിലാണ് ചിരിച്ചതെന്നും ഇടത് വശത്തേ നരഗവാസികളെ കണ്ടമാത്രയിലാണ് കരഞ്ഞതെന്നും ജിബ്രീല് (അ) മറുപടി നല്കി. (ബുഖാരി ഹദീസ് :345)
അപ്പോള് ആദം നബി(അ) ബര്സഖീയായ ലോകത്ത് വളരെ ക്രിയാത്മകതയയോടെയാണ് കഴിയുന്നത്.
മൂസനബി(അ) യുടെ സമുദായം ബനൂ ഇസ്രാഈലാണ്. എന്നാല് അവര്ക്കു പുറമെ തിരുനബി (സ) യുടെ ഉമ്മത്തിലേക്ക് കൂടി മൂസാ (അ) ശ്രദ്ധ ചെലുത്തുന്നു.
ഭൂമിയിലെ കല്ലുകളെല്ലാം നാം കാണുന്നത് നിശ്ചലാവസ്ഥയിലല്ലേ പക്ഷെ മൂസാനബിയുടെ സവിധത്തില് കല്ല് ഓടി അഥവാ കാലുള്ള ഒരു ജീവി കാണിക്കേണ്ട കാര്യം ചെയ്തു. ഇത്പോലെ അസംഭവ്യമായ ഒരുപാട് കാര്യങ്ങള് ഈ ലോകത്ത് നടന്നിട്ടുണ്ടെങ്കില് തീര്ച്ചയായും ഓരോ വിശ്വാസിയും പ്രവാചകډാരുടെ ബര്സഖിയായ ജീവിതത്തെയും ഉള്കൊള്ളണം
ബര്സഖീ ലോകത്ത് തിരുനബി (സ) മറ്റ് അമ്പിയാക്കളെക്കാള് ഉയര്ന്ന പദവിയിലാണ്. റഫീഖ്’ എന്ന തസ്തികയിലാണ്. നബി(സ) യുടെ റൂഹ് പിടിക്കുന്ന സമയത്ത് തങ്ങളില് നിന്നും അവസാനം കേട്ടത് റഫീഖുല് അഅ്ല’ എന്നായിരുന്നു. അഥവാ ഞാനിതാ എന്റ സന്തതസഹചാരിയായ അല്ലാഹുവിന്റെ വിളിക്കുത്തരം നല്കി പോകുന്നു.
അല്ലാഹുവുമായി സൗഹൃദമുള്ള തങ്ങള് പ്രവര്ത്തനലോകത്താണ്. സുഹൃത്ത് നിഷ്ക്രിയനായാല് സൗഹൃദം ഉണ്ടാവുകയില്ല അത് പോലെ നിശ്ചലാവസ്ഥയിലുള്ളവയോട് സൗഹൃദം ഉണ്ടാവുകയില്ല.സൗഹൃദം എന്ന് പറയുമ്പോള് കാര്യങ്ങള് ഏല്പ്പിക്കുന്നതിന്റെ അടിസ്ഥാനത്തില് ചെയ്യാന് പ്രവര്ത്തന മണ്ഡലത്തില് ഉണ്ടാകുമ്പോഴാണ്.
മറ്റൊരു ഹദീസില് സ്വപ്നത്തില് എന്നില്ല. പകരം എന്നെ കണ്ടാല് എന്നു മാത്രമേ പറഞ്ഞിട്ടുള്ളൂ. അപ്പോള് ഉണര്വിലും കാണാമെന്ന് ഇതില് നിന്നു മനസ്സിലാക്കാം. ഈ ഹദീസിന്റെ അടിസ്ഥാനത്തില് ഇമാം സുയൂഥ്വി (റ) രേഖപെടുത്തുന്നു. ‘ഹദീസുകളില് നിന്നും ഉദ്ധരണികളില് നിന്നും ബോധ്യമാകുന്നത് തിരുനബി (സ) അവിടുത്തെ തിരുശരീരത്തോടെ അവിടുത്തെ റൂഹോടെ ജീവിച്ചിരിക്കുന്നവരാണ് ഭൂമിയിലെ സര്വ സ്ഥലങ്ങളും അഭൗമ ലോകത്തും തങ്ങള് സഞ്ചരിക്കുന്നു. തിരുനബി (സ) വഫാത്തിന് മുമ്പ് ഏതു രൂപത്തിലായിരുന്നോ ആ രൂപത്തില് സഞ്ചരിക്കുന്നു പക്ഷേ മലക്കുകള് അദൃശ്യമായത് പോലെ തിരുനബി(സ)യും അദൃശ്യമാണ്. അല്ലാഹു ആര്ക്കെങ്കിലും അവിടുത്തെ തിരുദര്ശനം കൊണ്ട് കടാക്ഷിച്ചാല് കണ്ണിന്റെ മറ നീക്കും( അല് ഹാവി 2/486)
അല്ലാഹുവില് നിന്നുള്ളതാണെന്ന് ഉറപ്പുള്ള ഒന്നിനെയും അവഗണിക്കാന് പാടില്ല. അയ്യൂബ് നബി (അ) ന്റെ ഒരു ചരിത്രം ബുഖാരി ഉദ്ധരിക്കുന്നു :- അയ്യൂബ് നബി (അ) കുളിക്കുന്ന സമയത്ത് സ്വര്ണ വെട്ടുകിളികള് ഭൂമിയില് വന്നു അയ്യൂബ് നബി തുണി വിരിച്ച് അതെല്ലാം വാരിയിട്ടു അപ്പോള് അല്ലാഹു ചോദിച്ചു ഞാന് ഇതിനേക്കാള് സമ്പന്നമാക്കി തന്നില്ലേ? അയ്യൂബ് നബി(അ) പറഞ്ഞു :- അതൊക്കെ ശരി പക്ഷേ, നിന്റെ ബര്ക്കത്തുണ്ടെന്നു ബോധ്യമായാല് അതിനെ അവഗണിക്കാന് കഴിയില്ല ‘



